Gazetarja investigative, Klodiana Lala ka zbuluar më tepër detaje nga qëndrimi i kryetarit të Bashkisë së Tiranës, Erion Veliaj në paraburgimin e Durrësit.
Lala zbuloi se kryebashkiaku pasi është vënë në dijeni për përgjimet e kryera nga Prokuroria e Posaçme, ka kërkuar konsultë me një psikiatër pasi pretendon se ka qenë në gjendje të rënduar, duke pretenduar se ai nuk mund të shprehej në atë mënyrë që është shprehur duke sulmuar me fjalor të papërshtatshëm shumë persona.
“Zoti Veliaj pasi është bërë me dije për përgjimet, ka pretenduar se nuk është në gjendje të mirë psikologjike, ka kërkuar konsultë me psikiatrin, ka thënë nuk kam qenë në situatën më të mirë mendore se është e pamundur të kem folur në këtë mënyrë”, tha Lala, e ftuar në emisionin “Të paekspozuarit”.
Ndër të tjera Lala ka thënë se Veliaj ka marrë vetëm ilaçe për tensionin, madje i është kërkuar nga Drejtoria e Burgjeve që të shkojë në spital, por nuk ka pranuar.
Marrë nga MCNtv.al
