Mbeten edhe tre muaj deri në përfundimin e sezonit dhe disa futbollistë ende nuk kanë rinovuar kontratat me klubet e tyre. Këta janë lojtarët kryesorë që pritet të jenë të lirë në merkaton e ardhshme të transferimeve.
Virgil van Dijk
I vlerësuar me 28 milionë euro, mbrojtësi holandez i Liverpool-it pritet të jetë një nga protagonistët kryesorë të merkatos së ardhshme. Deri më tani nuk ka rinovuar me “Reds” dhe ka shtuar dyshimet me deklaratën e tij:
“Nuk e di ku do të luaj vitin tjetër, dhe nëse dikush thotë se e di, po gënjen.”
Jonathan Tah
Çdo gjë tregon se mbrojtësi nuk do të rinovojë me Bayer Leverkusen. Gjermani përflitet shumë për një kalim te Barcelona, edhe pse ka oferta edhe nga disa klube të Premier League.
Mohamed Salah
Në janar, egjiptiani njoftoi largimin nga Liverpool në fund të sezonit:
“Dua ta fitoj këtë Premier League… pasi do të jetë viti im i fundit në klub. Dua t’i bëj këtë dhuratë speciale klubit dhe qytetit,” – tha ai në një intervistë për Sky Sports. Tani mbetet për t’u parë se cili do të jetë destinacioni i tij i ardhshëm.
Kevin De Bruyne
Tre muaj para përfundimit të sezonit, Manchester City ende nuk ka rinovuar kontratën e një prej yjeve të tij kryesorë. Belgu do të mbetet lojtar i lirë gjatë Kupës së Botës për Klube dhe ka oferta të majme nga Arabia Saudite, por ai vetë duket më i interesuar për një transferim në MLS.
Trent Alexander-Arnold
Real Madrid është shumë pranë nënshkrimit me mbrojtësin anglez, i cili do t’i bashkohet “Los Blancos” pasi kontrata e tij me Liverpool-in të skadojë më 30 qershor. TAA pritet të firmosë për pesë sezone me madrilenët.
Leroy Sané
Sulmuesi vazhdon bisedimet për rinovimin e kontratës me Bayern Munich. Ish-lojtari i City-t ka shprehur dëshirën për të qëndruar te klubi bavarez dhe pritet që marrëveshja të zyrtarizohet brenda pak javësh.
Jonathan David
Sulmuesi kanadez do të jetë një nga emrat më të përfolur në merkaton e ardhshme. Ai ka refuzuar një ofertë për rinovim dyvjeçar me Lille dhe ka shprehur pëlqimin për Barcelonën. Gjithsesi, ai është gjithashtu në radarët e Arsenalit, Juventusit dhe Manchester United.
Angel Gomes
Ish-lojtari i Manchester United do të mbetet lojtar i lirë pas përfundimit të kontratës me Lille, dhe raportet nga Franca thonë se ai nuk do të rinovojë. Sipas ‘The Guardian’, mesfushori është objektivi kryesor i West Ham United.
Thomas Partey
Ish-mesfushori i Atlético Madrid ende nuk ka rinovuar me Arsenal-in dhe gjithçka tregon se do të largohet nga Londra veriore.
Neymar
Braziliani ka nënshkruar me Santos deri më 30 qershor, dhe tani mbetet për t’u parë nëse do të rinovojë me klubin brazilian apo do të rikthehet në Evropë.
