Një tërmet i fuqishëm me magnitudë 7.7 goditi Mianmarin qendror të premten. 10 persona mësohet se kanë ndërruar jetë nga tërmeti, pasi një xhami në zonën e Mandalay u shemb.
Videot e postuara në internet nga të dy vendet tregojnë banorët e panikuar, duke vrapuar nga kullat e banimit që lëkunden ndërsa pluhuri mbush ajrin dhe trafiku ndalet papritur në rrugët e qytetit të ngarkuar.
Imazhet tronditëse tregojnë dëmet e mëdha të shkaktuara me dhjetëra grumbuj mbeturinash që shihen në të gjithë Mianmarin nga ndërtesat e shkatërruara.
Çarje gjigante u formuan në rrugët e qytetit të afërt të Naypyidaw dhe shoferët u detyruan të ndalonin udhëtimet e tyre.
Mianmari tashmë po vuan nga më shumë se katër vjet luftë civile e shkaktuar nga një grusht shteti ushtarak i përgjakshëm dhe ekonomikisht shkatërrues, me forcat ushtarake që luftojnë kundër grupeve rebele në të gjithë vendin.
Mbetet një nga vendet më të varfra të Azisë dhe nuk është i pajisur mirë për t’u përballur me fatkeqësitë e mëdha natyrore.
Banorët janë shprehur se e kanë ndjerë tërmetin për rreth një minutë dhe më pas kanë dolë me vrap nga ndërtesa. Epiqendra ishte në rajonin e afërt Sagaing, i cili është shkatërruar nga lufta civile, me junta, milici pro-ushtarake dhe grupe rebele që luftojnë për kontroll dhe të gjitha pikat e kontrollit, duke e bërë udhëtimin me rrugë ose lumë jashtëzakonisht të vështirë. • Instituti Kombëtar për Mjekësinë Emergjente thotë se 43 persona kanë mbetur të bllokuar në ndërtesë, ndërsa shtatë të tjerë janë plagosur.
Marrë nga Associated Press
