Nga Anthony Zurcher
Një gjë, për të cilën Donald Trump ka qenë konsistent, që nga vitet 1980, është besimi i tij se tarifat janë një mjet efektiv për të nxitur ekonominë amerikane.
Tani, ai po vë në rrezik presidencën e tij për të faktuar se ka të drejtë.
Në një mandat të dytë, në të cilin ai është i rrethuar nga këshilltarë me të njëjtin mendim, dhe është forca dominuese në një Parti Republikane që kontrollon të dy dhomat e Kongresit, Trump është në një pozicion për ta kthyer në realitet vizionin e tij për një politikë të re tregtare të fokusuar te Amerika.
Këto politika, tha ai, i kishin bërë Shtetet e Bashkuara një komb të pasur më shumë se një shekull më parë, dhe do ta bënin përsëri.
Por ky është ende një rrezik i madh për këtë president.
Ekonomistët e të gjitha shtresave paralajmërojnë se këto tarifa masive – 53% për Kinën, 20% për Bashkimin Evropian dhe Korenë e Jugut, me një bazë prej 10% për të gjitha kombet – do të kalohen tek konsumatorët amerikanë, duke rritur çmimet dhe duke kërcënuar një recesion global.
Megjithatë, nëse Trump do të jetë i suksesshëm, ai do të riformatonte rrënjësisht një rend ekonomik global, të cilin Amerika kishte ndihmuar për të ndërtuar nga hiri i Luftës së Dytë Botërore.
Marrë nga BBC
