Presidenti amerikan po shqyrton mundësinë për të lëshuar një urdhër ekzekutiv që ndalon organizatat jofitimprurëse të dërgojnë grantet jashtë kufijve të SHBA.
Kështu bën të ditur gazeta amerikane ‘The New York Post’.
“Ka padyshim një përpjekje për të kufizuar dhe kontrolluar dollarët e taksave federale që dërgohen jashtë shtetit, për të rritur kontrollin ndaj blerjeve të huaja, për të mbrojtur kërkimin dhe [pronën intelektuale], së bashku me zinxhirët kritikë të furnizimit. Dhe ne po e shohim atë në të gjitha departamentet e ndryshme“, tha një burim pranë Shtëpisë së Bardhë për gazetën amerikane.
Trump është hedhur në sulm prej kohësh duke shënjestruar organizatat që dërgojnë dollarë amerikanë jashtë vendit. Administrata e zhveshi dhe mbylli Agjencinë e SHBA për Zhvillim Ndërkombëtar (USAID) – dhe grupeve të vullnetarëve të AmeriCorps iu tregua dera pas një vizite nga Departamenti i Efikasitetit të Qeverisë.
Fondacionet e Shoqërive të Hapura të Sorosit financuan grante në më shumë se 100 vende në vitin 2023 dhe kishin 130 milionë dollarë në “investime me ndikim” aktiv në vitin 2022.
Marrë nga New York Post
