Numri i viktimave nga shpërthimi shkatërrues në portin Shahid Rajaee në Bandar Abbas, Iran, është rritur në 65, konfirmuan zyrtarët e menaxhimit të krizave të hënën.
Më shumë se 1,200 persona kanë mbetur të plagosur si pasojë e incidentit, ndërsa 138 prej tyre ndodhen ende në spital me lëndime të rënda. Autoritetet nuk kanë dhënë ende një arsye të saktë për shpërthimin, duke theksuar se shkaku mbetet i paqartë dhe hetimet janë në vazhdim.
Zjarri i madh që pasoi shpërthimin, për të cilin u dhanë garanci se do të vihej nën kontroll deri të dielën mbrëma, vijon të përbëjë sfidë për ekipet e emergjencës, të cilat po përballen me kushte të vështira.
Për shkak të ndotjes së lartë të ajrit dhe rrezikut mjedisor, autoritetet kanë urdhëruar mbylljen e të gjitha institucioneve arsimore dhe zyrave qeveritare në qytetin bregdetar të Bandar Abbas dhe në ishullin Qeshm.
Zyrtarët e shëndetit publik kanë shprehur shqetësime serioze për ndikimet afatgjata që kjo fatkeqësi mund të ketë mbi mjedisin dhe shëndetin e banorëve lokalë.
Marrë nga Reuters
