Një grua amerikane i shpëtonë jetën inteligjencës artificiale, pasi ChatGPT ndihmoi në zbulimin e një diagnoze të rëndë që mjekët nuk kishin arritur ta identifikonin.
Lauren Bannon, 40 vjeçe, e cila jeton mes Karolinës së Veriut dhe Ishujve Virgjër të SHBA-së, nisi të përjetonte simptoma të çuditshme në shkurt të vitit 2024. Ajo vuri re se kishte vështirësi në përkuljen e gishtave, sidomos në mëngjes dhe në mbrëmje.
Pas katër muajsh kontrolle dhe analizash, mjekët e diagnostikuan me artrit rheumatoid, pavarësisht se testet rezultuan negative për këtë sëmundje. Por simptomat e saj erdhën dhe u përkeqësuan. Lauren filloi të përjetonte dhimbje të forta në stomak dhe humbi rreth 7 kilogramë për vetëm një muaj.
E dëshpëruar dhe në kërkim të përgjigjeve, ajo iu drejtua ChatGPT, ku përshkroi me detaje çdo simptomë që po kalonte. Ai i sugjeroi se ajo mund të vuante nga sëmundja e Hashimotos, një çrregullim autoimun që prek tiroiden.
Pavarësisht rezervave të mjekut të saj, Bannon këmbënguli që të testohej për këtë gjendje në shtator 2024. Ajo u trondit, pasi zbuloi se ChatGPT kishte të drejtë.
Ky zbulim e shtyu mjekun të kryente një ultratinguj të tiroides, ku u zbuluan dy gunga të vogla në qafën e Lauren. Pas analizave të mëtejshme, në tetor 2024 ato u konfirmuan si kancer.
Bannon beson se pa ndihmën e ChatGPT-së, gjendja e saj dhe kanceri do të kishin mbetur të pazbuluar.
Marrë nga Fox News
