Prokuroria e Posaçme do të marrë në pyetje dy shefa komisariatesh, të cilët takuan në qeli ish-shefin e Rrugores, Roven Zekën. Lidhur me këto takime të paautorizuara, SPAK ka nisur hetimet, ku është i përfshirë edhe një biznesmen, teksa bëhet me dije se është sekuetruar edhe një celular.
Bëhet me dije se kolegët e tij e kanë vizituar ish-shefin e Rrugores në qeli, ndërsa ditën e djeshme Agjentët e Byrosë Kombëtare të Hetimit, me urdhër të Prokurorisë së Posaçme kanë zbarkuar në ambientet e Bllokut të Sigurisë në Tiranë, ku kanë sekuestruar pamjet e kamerave të sigurisë së qelive të paraburgimit.
Kujtojmë se në ambientet e Bllokut të Sigurisë ndodhe ish-shefi i Rrugores, Roven Zeka, shefi i Sektorit të Aksidenteve, Sokol Novaku dhe oficeri i Policisë gjyqësore pranë Policisë së Shtetit, Edison Tabaku, të cilët janë arrestuar për veprën penale “shpërdorim detyre”.
Tre zyrtarët e arrestuar të Policisë Rrugore në Tiranë, akuzohen se kanë kërkuar dhe marrë 2.000 euro nga biznesmeni Erges Vrioni, për të mos i arrestuar bashkëshorten që kishte shkaktuar një aksident më 16 prill. Arrestimet u bënë më 19 prill, menjëherë pas zbulimit të rastit, teksa SPAK ka zbardhur nëpërmjet përgjimeve aferën korruptive.
Marrë nga Newsbomb.al
