Në një sezon zhgënjyes për të dyja klubet, Tottenham Hotspur dhe Manchester United, dy skuadrat më të dobëta të renditura nga Premier League që mbijetuan këtë edicion, kanë një mundësi unike për të shpëtuar fytyrën me suksesin në finalen e UEFA Europa League që zhvillohet në stadiumin ‘San Mamés’ të Bilbaos. Kjo do të jetë finalja e gjashtë europiane mes dy skuadrave angleze, dhe e treta për Tottenhamin (1 fitore, 1 humbje), që synon trofeun e parë madhor pas 17 vitesh.
Postecoglou, në kërkim të trofeut të premtuar
Trajneri i shumëkritikuar i Spurs-ave, Ange Postecoglou, bëhet australiani i parë që drejton një ekip në një finale europiane madhore. Kjo është një mundësi për ta përmbushur premtimin e tij: të fitojë gjithmonë një trofe në sezonin e dytë me një skuadër. Tottenham-i hyn në këtë përballje me moral të lartë, pasi ka fituar të tria përballjet direkte me United këtë sezon dhe ka vendosur rekord të ne rang klubesh për më shumë fitore në një edicion europian (nëntë).
Amorim kërkon të rifitojë besimin
Në krahun tjetër, trajneri i Manchester United, Rúben Amorim, nuk është nën presion të njëjtë me homologun e tij, por gjithsesi ka nevojë të rigjejë shkëlqimin në pankinën e “Djajve të Kuq”. Kjo është finalja e nëntë europiane për klubin dhe Amorim mund të bëhet vetëm trajneri i tretë në historinë e klubit që fiton një trofe madhor në sezonin e tij të parë. Një triumf do ta bënte United-in skuadrën e katërt që fiton Europa League pa pësuar asnjë humbje gjatë sezonit (9 fitore, 5 barazime).
Statistika dhe sfida
Manchester United ka shënuar 35 gola në këtë edicion të Europa League, një shifër që është tejkaluar vetëm nga tri skuadra të tjera në histori. Me tre gola të tjerë në finale, ata do të vendosnin rekordin absolut të garës.
Megjithatë, për ta arritur këtë, duhet të thyejnë një tabu të kohëve të fundit: United nuk ka fituar në 6 ndeshjet e fundit kundër Tottenhamit (2 barazime, 4 humbje). Një tjetër humbje do të shënonte herën e parë që mposhten katër herë nga e njëjta skuadër në një sezon që prej 1985/86.
Lojtarët për t’u ndjekur
Dominic Solanke (Tottenham) ka shënuar në katër ndeshjet e fundit ndaj United (5 gola gjithsej). Në Europa League këtë sezon, ai ka kontribuar në 9 gola (5 gola, 4 asistime), dhe është vetëm lojtari i tretë që realizon 5+ gola dhe 5+ asistime në një edicion të vetëm.
Bruno Fernandes (Manchester United) ka qenë gjithashtu vendimtar me 7 gola dhe 4 asistime. Vetëm Rayan Cherki i Lyon-it ka më shumë kontribute në gola (12) në këtë edicion të kompeticionit.
Statistika interesante
8 nga 11 ndeshjet e fundit mes këtyre dy skuadrave kanë prodhuar mbi 2.5 gola, gjë që premton një finale spektakolare për tifozët neutralë dhe adhuruesit e futbollit ofensiv.
Marrë nga Syri.net
