Guvernatori i Teksasit, Greg Abbott, nënshkroi një ligj të ri për mbrojtjen e fëmijëve në internet, duke vendosur rregulla të reja të ashpra për verifikimin e moshës në dyqanet e aplikacioneve si Apple App Store dhe Google Play.
Masa synon të mbrojë të miturit nga përmbajtjet e papërshtatshme dhe praktikat e dëmshme online, por ka ngjallur shqetësime serioze për privatësinë. Apple dhe Google e kundërshtuan legjislacionin.
Sipas burimeve të Wall Street Journal, drejtori ekzekutiv i Apple, Tim Cook, thuhet se ka telefonuar personalisht Guvernatorin Abbott në përpjekje për të ndalur ligjin, por pa sukses.
Ligji hyn në fuqi më 1 janar 2026 dhe e vendos Teksasin përkrah Utah-ut, një tjetër shtet konservator që ka miratuar masa të ngjashme këtë vit.
Marrë nga The Guardian
