Bashkimi Europian ka “kapur”në shkelje Greqinë duke i vendosur gjobë prej 400 milionë eurosh për dështimin në menaxhimin e fondeve për bujqësinë dhe për kontroll të pamjaftueshëm
Politiko raporton se Brukseli i ka urdhëruar Athinës të paguajë 392.2 milionë euro nga fondet e BE-së për shkak të dështimeve sistemike në menaxhimin e subvencioneve të BE-së për bujqësinë në periudhën nga viti 2016 deri në vitin 2023.
Agjencia përgjegjëse për menaxhimin e fondeve akuzohet për shpërdorim të fondeve si dhe për kryerjen e pagesave pa kontrolle ose inspektime të mjaftueshme në terren.
Vendimi për gjobën pasoi një skandal të madh rreth mashtrimit në lidhje me fermat greke, i cili është objekt i një hetimi nga Zyra e Prokurorit Publik Europian (EPPO), kujton Politico.
EPPO po heton dhjetëra raste ku qytetarët grekë kanë marrë fonde bujqësore të BE-së të destinuara për të zhvilluar kullota që nuk i zotëronin ose nuk i kishin marrë me qira, ose për aktivitete bujqësore në të cilat nuk ishin angazhuar kurrë, duke i privuar kështu fermerët e vërtetë nga paratë që meritonin.
Qeveria greke njoftoi muajin e kaluar se do të mbyllte agjencinë shtetërore për mbikëqyrjen e subvencioneve bujqësore, OPEKEPE, e cila është nën hetim.
Marrë nga Politico.eu
