• Kandidati republikan për presidencën e SHBA, Donald Trump bëri e tij të parë publike dje pas atentatit ndaj tij në Pensilvani.
• Trump u shfaq pak para mbylljes së ditës së parë të konventës republikane në Milwaukee me një fashë mbi veshin e tij dhe një grusht të ngritur.
• Teksa Trump shfaqej, të pranishmit në konferencë shpërthyen në brohoritje, duke bërtitur emrin e ish-presidentit të SHBA-së dhe “SHBA, SHBA”.
• Pasi përshëndeti zyrtarët e partisë, Trump u ul pranë kandidatit të tij për zëvendëspresident dhe senatorit të Ohajos, J. D. Vance.
• Ndërkoëh nga paraqitja e tij e parë u vu re edhe ndryshimi në masat e sigurisë.
• Në videot e shpërndara në rrjet duket ekipi i sigurisë rreth Trumpit ku vihet re mungesa absolute të femrave, pasi ish-presidenti amerikan ishte i rrethuar vetëm nga burra të sigurisë.
• Pas atentat ka pasur reagime të shumta për disa prej grave të Shërbimit Sekret Amerikan.
• Në reagimet e njerëzve fokusi është kryesisht te truprojat femra të Trump.
• Imazhi i panikut që ata paraqitën pas të shtënave konsiderohet i papërshtatshëm për truprojat e një ish-presidenti të SHBA.
• Pas atentatit të republikanit, miliarderi Elon Musk planifikon të japë rreth 45 milionë dollarë në muaj për një organizatë që mbështet fushatën e Donald Trump për t’u rikthyer në Shtëpinë e Bardhë.
• Emri i Musk nuk figuron në listën e donatorëve për PAC, i cili kishte mbledhur 8.75 milionë dollarë deri në fund të qershorit, sipas dosjeve të FEC.
• WSJ shpjegon se arsyeja është se njeriu më i pasur në botë do të fillojë ta financojë atë këtë muaj.
• Nëse synimet e tij siç përshkruhen nga gazeta financiare konfirmohen, do të jetë një nga donacionet më të mëdha individuale të bëra ndonjëherë për një fushatë zgjedhore në SHBA.
• Ndërkohë presidenti i Shteteve të Bashkuara, Joe Biden në një intervistë të zhvilluar së fundmi mbrojti retorikën e tij kundër ish-presidentit Donald Trump.
• Duke folur për NBC-në, Biden tha se fushata e tij e ka për detyrë të flasë hapur për kërcënimet që do t’i sillte një mandat i dytë i Trumpit dhe shtoi se fjalët e tij nuk janë ato që duhet të zbuten.
• Megjithatë, ai tha se ka qenë gabim që ka thënë se është koha për ta vënë Trumpin në qendër të objektivit.
• Sipas raportimeve nga Politico, Biden i bëri këto komente në një bashkëbisedim me disa donatorë, disa ditë përpara atentatit kundër Trumpit, në një tubim në Pensilvani, më 13 korrik.
