Parlamenti iranian ka votuar për pezullimin e bashkëpunimit me Agjencinë Ndërkombëtare për Energjinë Atomike (IAEA), sipas raportimeve të mediave shtetërore.
Kryetari i parlamentit, Mohammad Bagher Ghalibaf, deklaroi se IAEA ka refuzuar të dënojë sulmet e Izraelit dhe SHBA-së ndaj objekteve bërthamore të Iranit, duke “vënë në ankand besueshmërinë e saj ndërkombëtare”.
Ghalibaf tha se autoritetet bërthamore iraniane “do të pezullojnë bashkëpunimin me IAEA-në derisa të garantohet siguria e objekteve bërthamore”.
Ai shtoi gjithashtu se “programi bërthamor paqësor i Iranit do të ecë përpara me një ritëm më të shpejtë”.
Megjithëse votimi ka karakter simbolik, vendimi duhet të miratohet nga instancat më të larta të qeverisë iraniane dhe aktualisht nuk përfaqëson një politikë zyrtare.
Marrë nga BBC
