Autoritetet iraniane kanë arrestuar 700 persona të akuzuar si “mercenarë të Izraelit” gjatë konfliktit 12-ditor.
Arrestimet e agjentëve izraelitë janë bërë në të gjithë Iranin, sipas Fars, duke përfshirë provincat Kermanshah, Isfahan, Khuzestan, Fars dhe Lorestan.
Autoritetet ende nuk kanë publikuar detaje mbi numrin e spiunëve të dyshuar izraelitë të arrestuar në kryeqytetin Teheran, raportoi agjencia.
Media të tjera iraniane kanë raportuar ekzekutime të shumta të agjentëve të dyshuar izraelitë të kryera që nga fillimi i konfliktit.
I dërguari i Iranit në Kombet e Bashkuara, Amir-Saeid Iravani, falënderoi Katarin për rolin e tij në armëpushimin Iran-Izrael në një takim të Këshillit të Sigurimit të OKB-së të martën.
Nga ana tjetër, Danny Danon, ambasadori i Izraelit në Kombet e Bashkuara, tha se vendi i tij do të reagonte “me forcë” ndaj çdo shkeljeje të armëpushimit të arritur me Iranin.
Presidenti i SHBA-së, Donald Trump, ka mohuar raportet për dëme të kufizuara në objektet bërthamore të Iranit, duke akuzuar median, përfshirë CNN, se po përpiqen të denigrojnë një nga operacionet ushtarake më të suksesshme në histori. Me anë të një postimi në në Truth Social, Trump shkruan se objektet bërthamore në Iran janë shkatërruar plotësisht.
Një vlerësim i hershëm i inteligjencës së Pentagonit për sulmin e SHBA-së ndaj objekteve bërthamore të Iranit thotë se sulmi nuk e shkatërroi programin bërthamor të vendit dhe ndoshta vetëm e vonoi atë “disa muaj, vetëm”.
Rezervat e uraniumit të pasuruar të Iranit nuk u eliminuan në bombardimet e së shtunës, thanë burime të njohura me vlerësimin e Agjencisë së Inteligjencës së Mbrojtjes..
Centrifugat e Iranit janë kryesisht “të paprekura” dhe ndikimi i sulmeve ishte i kufizuar në strukturat mbi tokë, shtojnë burimet. • Shtëpia e Bardhë e ka quajtur vlerësimin “krejtësisht të gabuar” dhe thotë se është zbuluar nga “një humbës i nivelit të ulët në komunitetin e inteligjencës”.
Marre nga CBS News
