Basketbollistja shqiptare, Lorela Cubaj, ishte vendimtare në fitoren e Italisë ndaj Turqisë, në ndeshjen çerekfinale të Kampionatit Evropian që po mbahet në Greqi.
Koha e rregullt e ndeshjes dramatike përfundoi me rezultat të barabartë, 68:68, ndërsa pas vazhdimeve Italia fitoi me dy pikë dallim, 76:74.
Cubaj shënoi gjashtë pikë në momentin vendimtar të sfidës në kohën shtesë, ndërsa në total ajo realizoi 16 pikë.
Italia me ekipin e basketbollisteve kualifikohet në gjysmëfinale të Eurobasketit pas 30 vitesh. Tani synon medalje.
Marrë nga Koha.net
