Donald Trump ka gjetur një aleat të papritur në përpjekjen e tij për Çmimin Nobel për Paqen, tek kundërshtarja e tij e vitit 2016, Hillary Clinton. Ish-sekretarja e shtetit tha të premten se nëse Trump siguron fundin e luftës në Ukrainë pa ia lëshuar Kievi territorin Rusisë, ajo do ta nominojë atë për Çmimin Nobel për Paqen.
Clinton i bëri këto komente në podkastin “Raging Moderates” me Jessica Tarloff, përpara se Trump dhe Presidenti rus Vladimir Putin të takoheshin në Alaska për të diskutuar për Ukrainën.
Ajo shtoi, sipas CBS, se Trump duhet ta bëjë të qartë se duhet të ketë një armëpushim. Nuk do të ketë shkëmbime territoresh. Dhe se, me kalimin e një periudhe kohore, Putin duhet të tërhiqet nga territoret që ka pushtuar, në mënyrë që të demonstrojë qëllimet e tij të mira, le të themi, për të mos kërcënuar sigurinë evropiane.
“Nëse mund ta bëjmë këtë, nëse Presidenti Trump është arkitekti i këtij suksesi, unë do ta nominoj atë për Çmimin Nobel për Paqen, sepse qëllimi im këtu është të parandaloj nënshtrimin e Putinit, me ndihmën dhe asistencën e Shteteve të Bashkuara,” tha Clinton.
Marrë nga Dosja.al
