Gjashtë persona të plagosur nga tre aksidente të ndodhura në harkun kohor të tre orëve. Ky është bilanci nga ngjarjet rrugore të ksaj të shtune.
Dy makina u përplasën me njëra-tjetrën pasditen e sotme në aksin Elbasan-Cërrik dhe për pasojë dy persona mbetën të plagosur pasi një nga mjetet përfundoi në një kanal me ujë.
Një tjetër aksident i frikshëm ka ndodhur mbrëmjen e sotme në Qafë Thanë. Tre persona u plagosën ndërsa një prej tyre ndodhet në gjendje të rëndë. Shkak i aksidentit dyshohet të jetë bërë një parakalim i gabuar.
Ndërsa një tjetër aksident i rëndë u shënua në zonën e Lungomares. Një mjet tip “Benz” përplasi një të mitur e cila u transportua me urgjencë në spital.
Ajo çka vihet re është se shkak i aksidenteve të ditës së sotme janë bërë shkelja e rregullave të qarkullimit, konkretisht; shpejtësia tej normave të lejuara dhe parakalimi i gabuar.
Gjashtë të plagosurit ndodhen aktualisht nën kujdesin e mjekëve ndërsa një prej tyre ndodhet në gjendje të rëndë.
Marrë nga Newsbomb.al
