Në raportin e tij të 519-të javor, Observatori i Futbollit CIES numëroi shifrat për “50 vendet në mbarë botën, klubet e të cilave gjeneruan më shumë të ardhura gjatë dhjetë viteve të fundit nga transferimet ndërkombëtare të lojtarëve vendas (duke përfshirë bonuset dhe përqindjet mbi rishitjet)”.
Franca doli në krye me një diferencë të madhe, me gati 4 miliardë euro të ardhura, që barazohet me gati 400 milionë euro për sezon.
Stërvitja franceze njihet në të gjithë botën falë klubeve si Monaco, Lyon ose Lille, të cilat kanë regjistruar shumë fitime kapitale nga lojtarët e stërvitur në klub:
Aurélien Tchouaméni, i stërvitur në Bordeaux, i shitur nga Monaco për 80 milionë euro te Real Madrid (2022), Anthony Martial, i stërvitur në Lyon dhe i shitur nga Monaco për 60 milionë euro te Manchester United (2016), ose Ferland Mendy, i cili kaloi nëpër Le Havre dhe PSG në stërvitjen e tij, për t’u shitur më në fund për 48 milionë euro nga OL, përsëri te Real (2019).
Observatori i Futbollit CIES gjithashtu detajon të ardhurat e gjeneruara sipas moshës së lojtarit të transferuar.
Për Francën, pjesa më e madhe e të ardhurave gjenerohet nga lojtarë të moshës 21 deri në 23 vjeç (39%), ndryshe nga lojtarët brazilianë, më shumë se 50% e të cilëve shiten para moshës 20 vjeç, siç është Estevao (18 vjeç), i shitur këtë verë nga Palmeiras te Chelsea për 45 milionë euro.
Vinicius Junior, i dyti në renditjen e “Topit të Artë” 2024 , u shit gjithashtu te Real Madridi vitin që mbushi 18 vjeç.
Sa i përket Spanjës, Portugalisë dhe Holandës, ashtu si me Francën, lojtarët e shitur midis moshës 21 dhe 23 vjeç përbëjnë pjesën më të madhe të të ardhurave.
Marrë nga AFP
