Disa orë përpara ceremonisë së hapjes së “Lojërave Olimpike të Parisit” kompania franceze hekurudhore SNCF njoftoi se rrjeti i saj i shpejtësisë së lartë është vënë në shënjestër të “akteve dashakeqe” që synojnë paralizimin e sistemit.
Disa linja “TGV” me shpejtësi të lartë janë goditur në perëndim, veri dhe lindje të Parisit dhe janë krijuar radhë në stacionin “Gare Montparnasse”, raporton “BBC”.
Ministri i Transportit, Patrice Vergriete, dënoi ashpër “aktet kriminale” dhe tha se do të ndikonin në planet e pushimeve të njerëzve.
Një numër trenash janë anuluar dhe SNCF ka paralajmëruar se situata mund të zgjasë “të paktën gjatë gjithë fundjavës derisa të kryhen riparimet”.
