Edhe pse ligji për “Paqen Fiskale” u kundërshtua nga FMN, Dhoma Amerikane e Tregtisë dhe nga Bashkimi Evropian, Presidenti Bajram Begaj e dekretoi.
Dhoma Amerikane e Tregtisë është shprehur se mungon konsultimi dhe transparenca, ndërsa FMN ka deklaruar se “Paqja Fiskale” minon progresin në administrimin tatimor dhe rrezikohet qëndrueshmëria fiskale.
Dekreti është firmosur në mbështetje të nenit 84, pika 1 dhe nenit 93 të Kushtetutës së Republikës së Shqipërisë, duke i hapur rrugë hyrjes në fuqi të këtij ligji.
Ligji për paqen fiskale synon rregullimin e marrëdhënieve financiare dhe fiskale, si dhe krijimin e lehtësive për subjektet që kanë detyrime të prapambetura ndaj shtetit.
Dekreti mban numrin 21 dhe është nënshkruar në Tiranë, më 12 janar 2026.
Marrë nga Top Channel
