Deri në 2014 përveç detyrimeve të papaguara në tatime dhe dogana do të falen edhe detyrimet e papaguara vendore.
Drejtoria e Taksave dhe Tarifave Vendore për bashkinë Tiranë ka sqaruar periudhat për të cilat detyrimet do të falen plotësisht, periudha për të cilat do të falen gjobat dhe kamatëvonesat, nëse do të paguhet pjesërisht në vlera nga 50 deri në 75% pricipali i detyrimit të papaguar, dhe vitet kur kërkohet pagesa e plotë e detyrimit për të përfituar faljen e gjobave dhe kamatëvonesave.
“Ligji nr. 86/2025 fal plotësisht detyrimet vendore deri në vitin 2014.
-Për vitet 2015–2019 paguhet vetëm 50% ose 75% e detyrimit kryesor, ndërsa të gjitha gjobat dhe kamatëvonesat falen.
Vlen për bizneset dhe qytetarët pronarë të njësive tregtare.
Edhe në këtë rast, falen të gjitha gjobat dhe kamatëvonesat.
-Për vitet 2020–2024 kërkohet pagesa e plotë e detyrimit kryesor deri më 31.12.2026. Edhe në këtë rast, gjobat dhe kamatëvonesat falen”, theksohet në njoftim.
Drejtoria e Taksave dhe Tarifave Vendore ka theksuar se nuk do të përfitojnë nga ky ligj subjektet që janë dënuar me vendim gjyqësor të formës së prerë ose janë në proces gjyqësor apo hetim penal për vepra në fushën tatimore dhe/ose doganore.
Periudhat e zbatimit të ligjit për fshirjen e detyrimeve të papaguara përfshijnë edhe detyrimet në tatime dhe dogana. Ligji parashikon të njëjta afate. Edhe në tatime dhe dogana përcaktohet fshirja e plotë të detyrimeve të papaguara deri në 31 dhjetor 2014.
Ligji parashikon edhe faljen e pjesshme të detyrimeve të papaguara për periudhën nga 1 janar 2015 deri më 31 dhjetor 2019, me kushtin nëse paguhet 50 deri 75% e principalit. Për detyrimet e krijuara nga 1 janar 2020 deri më 31 dhjetor 2024, fshirja e gjobave dhe kamatëvonesave është e mundur vetëm nëse paguhet plotësisht principali deri më 31 dhjetor 2026.
Marrë nga Zëri.al
