Po mbahet seanca e fundit e deklaratave përmbyllëse në rastin kundër ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, dhe ish-deputetit, Rexhep Selimi në Gjykatën Speciale në Hagë.
Ish-krerët e UÇK-së, akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm.
Prokuroria ka kërkuar që ata të shpallen fajtorë dhe të dënohen me nga 45 vjet burgim secili, por ekipet mbrojtëse kanë argumentuar se nuk ka prova për krimet e pretenduara dhe kanë kërkuar lirimin e tyre.
Ndërkohë që mbrojtësit e ish-krerëve të UÇK-së kanë deklaruar se provat që Prokuroria Speciale ka sjell janë qesharake dhe të pabazuara, duke kërkuar që ata të shpallen të pafajshëm dhe të lirohen menjëhere.
Pas përmbylljes së deklaratave, çështja do të kalojë te trupi gjykues. • Gjykatësit kanë tre muaj kohë që të marrin një vendim për çështjen, ose të kërkojnë zgjatjen e afatit për marrjen e vendimit.
Marrë nga Dosja.al
