Gjykata e Posaçme ka dënuar me 4 vite burg ish-kryetarin e Bashkisë së Finiqit, Leonidha Hristo për “shpërdorim detyre”. Hristo përfitoi zbritje të dënimit me 1/3 për shkak të gjykimit të shkurtuar dhe rrethana të tjera lehtësuese duke u dënuar përfundimisht me 2 vite heqje lirie.
Kallëzimi në SPAK u krye nga KLSH e cila gjatë auditit për vitet 2017-2017 kishte konstatuar 44 tendera problematikë, që sipas të dhënave i kanë kushtuar buxhetit të shtetit një dëm prej 77 milionë lekësh të rinj. Të pandehur për “Shpërdorim detyre” përveç Hristos u morën edhe Florian Peri, i cili ka mbajtur detyrën e Përgjegjësit të Njësisë së Prokurimit dhe ka pasur rolin e zyrtarit të prokurimit në procedurat e zhvilluara nga autoriteti kontraktor Bashkia Finiq.
Stavro Çavo, i cili ka pasur detyrën e anëtarit të NJP (Njësia e Prokurimit) dhe KVO (Komisioni i Vlerësimit të Ofertave), si dhe është marrë me administrimin e procedurave të prokurimit në autoritetin kontraktor Bashkia Finiq. E pandehura Lefteria Mekshi ka pasur detyrën e anëtarit të NJP dhe KVO në procedurat e zhvilluara nga autoriteti kontraktor Bashkia Finiq. I pandehuri Lefter Karajani ka mbajtur detyrën e Juristit dhe specialistit të Prokurimeve në Bashkisë Finiq.
Marrë nga Zëri.al
