Në një periudhë kohore kur çmimi i naftës pëson rritje kostoje nga dita në ditë, ministri i Shtetit për Pushtetin Vendor Ervin Demo zbuloi se së shpejti Shqipëria do të pajiset me transport publik elektrik, një projekt që pritet të jetë gati deri në 3-mujorin e fundit të këtij viti.
Në fjalën e mbajtur para gazetarëve ditën e sotme, Demo zbuloi se vendimi për transportin publik do ishte një nga më të duhurit të marrë në mbledhjen e fundit të qeverisë duke theksuar se qeveria vendore do t’i vijë në ndihmë bashkive për të ofruar shërbimin në standardet e duhura.
“Një numër i konsiderueshëm bashkish do të jenë model, transporti do të jetë i bazuar në transport elektrik. Bashkia ne parë që di të pilotohet do të jetë brenda 3 mujorit të fundit të këtij vitit, qeveria vendore do ti vijë në ndihmë bashkive për të ofruar shërbimin në standardet e duhura” tha Demo para gazetarëve.
Më tej Demo komentoi dhe akuzat e ngritura nga opozita, konkretisht demokratja Ina Zhupa, e cila pretendon se qeveria shqiptare po synon të grabisë pronat e shqiptarëve përmes projektligjit “Paketa e Maleve”, sidomos në Sarandë që është një zonë bregdetare.
Në lidhje me akuzat e ngritura, Demo sqaroi në fjalën e tij se kategoritë janë të përkufizuara dhe bëhet fjalë për atë që kanë përdorur pronën për më shumë se 10 vite.
Marrë nga Newsbomb.al
