Misteri që rrethon një sërë vdekjesh dhe zhdukjesh të shkencëtarëve, studiuesve dhe drejtuesve të lidhur me programet amerikane të teknologjisë bërthamore, hapësinore dhe të mbrojtjes është shtuar pas zbulimit të trupit të Melissa Cassia, një punonjëse në Laboratorin Kombëtar të Los Alamos në New Mexico.
Rasti ka disa elemente të pazakonta që po shqyrtohen nga autoritetet. Sipas të dhënave, para zhdukjes ajo kishte fshirë të gjitha informacionet nga telefoni i saj, kishte lënë dokumentet personale në shtëpi dhe ishte larguar në këmbë nga banesa e saj në Ranchos de Taos.
Vetëm disa orë para zhdukjes, ajo kishte çuar bashkëshortin e saj, gjithashtu punonjës në Los Alamos, në punë, ndërsa i kishte thënë vajzës se do të punonte nga shtëpia pasi kishte harruar kartën e identifikimit të punës.
Zbulimi i trupit të saj i shtohet një serie rastesh që kanë ngjallur debat në SHBA lidhur me zhdukjen ose vdekjen e personave të lidhur me institucione kërkimore dhe programe të ndjeshme.
Vetëm shtatë javë para këtij rasti, ish-punonjësi i Los Alamos, Anthony Chavez, u raportua i zhdukur. Më pas u zhduk edhe kontraktori qeveritar Steven Garcia në Albuquerque.
Në listën e rasteve të ngjashme përfshihen edhe zhdukja e inxhinieres së NASA-s Monica Reza gjatë një ecjeje në Kaliforni, si dhe rasti i komandantit në pension William Neil McCasland, ish-drejtues i programeve kërkimore të Forcave Ajrore të SHBA-së, për të cilin hetimet vijojnë me përfshirjen e FBI-së.
Ndërkohë, vdekjet e disa shkencëtarëve të njohur, përfshirë fizikantin e bashkimit bërthamor Nuno Loureiro nga MIT dhe astrofizikanin Carl Grillmeyer nga Caltech, kanë shtuar më tej spekulimet dhe debatet publike në SHBA rreth këtyre rasteve.
Marrë nga New York Post
