Një i burgosur shqiptar është arratisur në mënyrë spektakolare nga burgu famëkeq i Koridhalosit në Greqi gjatë ditës së sotme (2 qershor).
Autoritetet greke thane së u njoftuan pasi një i burgosur u arratis nga burgu dhe sipas informacioneve fillestare, ai është një 48-vjeçar shqiptar, i cili arriti të arratiset nga burgu në rrethana që janë nën hetim.
Paraprakisht raportohet se shqiptari ka qenë i dënuar për krime në fushën e drogës.
Mendohet se ai ka studiuar për shumë kohë procedurat e sigurisë së burgut, lëvizjet dhe hapje-mbylljet e dyerve në mënyrë automatike.
Autoritetet kanë nisur hetimet për ta gjetur dhe arrestuar atë, ndërkohë që po shqyrtojnë njëkohësisht rrethanat në të cilat u bë e mundur arratisja, si dhe çdo përgjegjësi në funksionimin e masave të sigurisë në burg.
Kjo, pasi ka dyshime se ai edhe mund të jetë ndihmuar nga brenda burgut prej gardianëve, duke i krijuar lehtësira në arratisje.
Marrë nga VoxNews.al
