Talljet e kryeministrit Edi Rama dhe lëvizjet e pakontrolluara të tijat ditën e djeshme në takimin me socialistët në Elbasan, janë shoqëruar me duartrokitje dhe brohorima nga disa të pranishëm që ndodheshin në takim. Por arsyeja e kësaj shfaqje komike është zbuluar sot.
Një mesazh i dërguar nga kryebashkiaku i Librazhdit Mariglen Disha, para nisjes së takimit, është zbuluar se mes socialistëve të pranishëm, kishte grupe të zhurmshme, për të bërë ovacione dhe të ngritur atmosferën gjatë fjalimit të Ramës. Në mesazhin e mëposhtëm, që Dosja.al ka siguruar, Disha ka lajmëruar disa persona, që të bëjnë rolin e rojeve në takim dhe të sigurohen që të pranimshmit të mos largohen nga salla në mes të fjalimit.
Ndërkohë që në mesazhin e dërguar, Disha sigurohet që në takim të ketë dhe grupe njerëzish ‘entuziast’, të cilët ishin shpërndarë në të gjithë turmen dhe duartroksinin dhe mbanin të ‘karikuar’ Ramën me ovacione.
“Grupi Ju lutem rikontrrolloni qe jemi ok me lajmerimet me njerzit. Gjithashtu nga secila njesi/administrative leni dike ke hyrja p te indetifikuar dhe drejtuar njerzit dhe dike tek zona juaj sipas harte per ti sistemu ne vende, por dhe mos cohen e na ikin ne ikin ne m te evnetit. Gjithashtu ne secilen zone te njesive sigurohuni qe te keni ca ‘entuziaste’ – njerez qe do duartorkasin e brohorasin gjate fjalimit te KM”, shkruan Disha në mesazhin dërguar patronazhistëve ditën e djeshme.
Marrë nga Dosja.al
