Një mesazh i shpërndarë nga strukturat e Partisë Socialiste për organizimin e aktivitetit me rastin e 35-vjetorit të themelimit të Partisë tregon qartë se si sigurohet pjesëmarrja në aktivitetet politike të kryeministrit Edi Rama. Në mesazh kërkohet që çdo i deleguar të jetë i pranishëm në aktivitet me 15 pjesëmarrës, ndërsa u kërkohet të dorëzojnë edhe listat me emra brenda një afati të caktuar.
Takimi festiv do të zhvillohet më 12 qershor, në orën 17:00, pranë Sheshit Italia dhe për këtë takim kërkohet angazhim maksimal. Siç duket dhe në mesazh, Rama i mbush sallat përmes urdhrave dhe jo nga pjesëmarrja me dëshirë e mbështetësve të tij.
“Pershendetje te gjitheve! Me rastin e – 35-vjetorit të themelimit të Partise Socialiste, ditën e premte date 12 Qershor, ora 17, pranë Sheshit Italia, organizohet takim festiv që do te zhvillohet për të kujtuar ketë pervjetor të rendesishem. Duhet një angazhim maksimal ku çdo i deleguar duhet te jetë prezent me 15 pjesëmarrës. Për çështje organizative duhet të më dërgoni listat secili brënda dites sẽ nesërme. Faleminderit!” thuhet në mesazh.
Marrë nga Dosja.al
