Kryeministri Edi Rama është përballur me protesta nga një grup emigrantësh shqiptarë gjatë vizitës së tij në Berlin, ku ndodhej për të marrë pjesë në Konferencën Vjetore të Komisionit të Bllokut Lindor.
Sipas pamjeve të publikuara në rrjetet sociale, disa shqiptarë janë mbledhur pranë vendit ku ndodhej kreu i qeverisë dhe kanë shprehur pakënaqësinë e tyre me thirrje kundër tij.
“Edi Rama o tradhtar, jep dorëheqjen sa më parë!”, dëgjoheshin të thërrisnin protestuesit, ndërsa nuk kanë munguar as sloganet “Burg, burg, burg”, “Anulo projektin” dhe “Anulo ligjin”.
Protesta në Berlin vjen në një kohë kur në Tiranë prej 17 ditësh po zhvillohen tubime të përditshme para Kryeministrisë, ku pjesëmarrësit kërkojnë dorëheqjen e kryeministrit dhe largimin e qeverisë. Protestuesit kanë deklaruar se do të vijojnë mobilizimin e tyre deri në plotësimin e kërkesave të tyre.
Marrë nga Droni.al
