Presidenti amerikan Donald Trump ka ashpërsuar tonet ndaj kryeministres italiane Giorgia Meloni, duke e akuzuar për mungesë angazhimi në krizën me Iranin.
Përmes një postimi në platformën e tij Truth Social, Trump deklaroi se Italia dhe kryeministrja e saj nuk kanë ndërmend të përfshihen në çështjen e Republikës Islamike të Iranit, pavarësisht triliona dollarëve të shpenzuar për NATO.
“Pasi shpenzuan triliona dollarë për NATO-n, Italia dhe kryeministri i saj as nuk mendojnë të përfshihen në Republikën Islamike të Iranit dhe kërcënimin shumë serioz bërthamor që ajo paraqet,” tha Trump.
Ai shtoi se Shtetet e Bashkuara kanë mbajtur barrën e sigurisë së vendeve evropiane për dekada, por kur vjen koha për t’i kthyer mbështetjen, Italia nuk është aty.
“Për dekada i kemi mbrojtur ata, por kur kemi nevojë për ta, ata nuk janë aty për të na mbrojtur ne dhe pjesën tjetër të botës. Kjo nuk është mirë,” theksoi presidenti amerikan.
Kujtojmë se SHBA dhe Irani po zhvillojnë negociata mbi sigurinë rajonale, programin bërthamor të Teheranit dhe konfliktet në Liban.
Marrë nga CBS News
