Lazio u mposht pasditen e djeshme nga Udineze me rezultatin 2-1 në duelin e vlefshëm për javën e dytë të Serisë A.
Përballja e djeshme ishte speciale për mbrojtësin e Kombëtares, Elseid Hysaj, i cili u aktivizua për herë të 300-të në një ndeshje të Seria A.
Për këtë klubi i Lazios ka postuar një poster në rrjetet sociale.
Hysaj u aktivizua në këtë takim si zëvendësues, kur luhej minuta e 82-të.
Mbrojtësi i Kombëtares shqiptare mori vendin e Marusic.
Luka dhe Thauvin ishin autorët e golave për Udinezen, ndërkohë që golin e vetëm për Lazion e shënoi Isaksen.
