Qeveria italiane ka vendosur të heqë taksën rrugore për rreth 14.5 milionë makina dhe motoçikleta, në një masë që prek një pjesë të konsiderueshme të automjeteve në vend.
Sipas raportimeve, masa do të zbatohet për të gjitha motoçikletat dhe për më shumë se 70% të makinave të vogla dhe të mesme. Çdo qytetar do të mund ta përfitojë lehtësimin vetëm për një automjet në pronësi.
Vendimi është marrë përpara zgjedhjeve kombëtare të vitit të ardhshëm, të cilat pritet të zhvillohen mes koalicionit të djathtë të kryesuar nga kryeministrja Giorgia Meloni dhe opozitës së qendrës së majtë. Qeveria italiane ende nuk ka bërë të ditur ndikimin që heqja e taksës do të ketë në financat publike.
Marrë nga Fatto Quotidiano
