“UÇK-ja ka nevojë për ne e ne do t’i përgjigjemi”, ka thënë të enjten në mbrëmje Çlirim Haziri, një prej organizatorëve të tubimeve ditëve të fundit kundër dënimit të Speciales ndaj udhëheqësve të Ushtrisë Çlirimtare të Kosovës.
Haziri dhe folës të tjerë kanë thënë se do të vazhdojnë protestat pa ndalur deri në kthimin e të dënuarve.
Ata kanë bërë thirrje që protestat të jenë paqësore. Me qytetarët të enjten kanë qenë edhe fëmijët e Hashim Thaçit e Kadri Veselit.
Një ditë më parë, Thaçi u dënua me 25 vjet burgim për krime lufte e Veseli me 18. Pos tyre edhe Jakup Krasniqi u dënua me 25 vjet burgim e Rexhep Selimi me 13.
Protesta janë paralajmëruar në vazhdimësi. Sot është bërë thirrje për protestë edhe nga veteranët e luftës.
Motoja e protestës është “Jo në emrin tim”.
Marrë nga Syri.net
