Janë luajtur vetëm pesë javë nga starti i Superiores, por renditja ka nisur të marrë një tjetër pamje, me një grup prej tre skuadrash që kanë krijuar diferencë ndaj ndjekësve.
Në vendin e katërt ndodhet Laçi, por kurbinasit janë tashmë 5 pikë larg skuadrës që mban vendin e tretë, një distancë që tregon diferencën e krijuar pas vetëm pesë javësh kampionat.
Partizani, Skënderbeu dhe Vllaznia, tre klube me histori dhe tituj kampionë në futbollin shqiptar, gjenden në zonën e ftohtë dhe po hasin vështirësi në startin e sezonit.
Në veçanti, Partizani vjen pas dy humbjeve radhazi, ndërsa edhe Skënderbeu e Vllaznia nuk kanë mundur të gjejnë vazhdimësinë e rezultateve pozitive.
Me vetëm pesë javë të zhvilluara, sezoni është ende në fazat e para, por ndarja mes skuadrave të kreut dhe atyre që po luftojnë për të dalë nga fundi i renditjes ka nisur të bëhet gjithnjë e më e dukshme.
Marrë nga SuperSport.al
