Qeveria çeke ka vendosur të rikthejë kufizimin e çmimeve të karburantit, ndërsa rritja e kostove po rëndon konsumatorët për shkak të tensioneve gjeopolitike dhe luftërave në Ukrainë dhe Lindjen e Mesme. Masa do të hyjë në fuqi më 1 tetor dhe parashikon përcaktimin çdo ditë të çmimit maksimal për benzinën dhe naftën.
Sipas raportimeve nga mediat e huaja, ky është kufizimi i dytë i çmimeve i vendosur nga qeveria, pas masës së aplikuar gjatë periudhës prill-korrik. Çmimet e karburantit kanë shënuar rritje të ndjeshme. Në gusht, çmimi mesatar në pikat e shitjes arriti në 44.21 korona, rreth 1.82 euro për litër, nga 34.49 korona ose 1.42 euro një vit më parë.
Përveç kufizimit të çmimeve, qeveria do të vendosë edhe një taksë të përkohshme mbi rafineritë, me synimin për të marrë një pjesë të fitimeve shtesë të kompanive të krijuara nga rritja e çmimeve të karburantit. Masa vjen në një kohë kur disa vende evropiane po ndërmarrin hapa për të frenuar ndikimin e rritjes së çmimeve të energjisë dhe karburanteve tek qytetarët dhe bizneset.
Marrë nga Protothem,a.gr
