Aksidentet rrugore në Shqipëri u rritën me 6.2% gjatë tetë muajve të parë të vitit 2026. Sipas INSTAT, nga janari deri në gusht u regjistruan 983 aksidente, krahasuar me 926 në të njëjtën periudhë të vitit 2025. Si pasojë, numri i personave të vrarë dhe të plagosur arriti në 1,378, nga 1,306 një vit më parë.
Rritja më e madhe u regjistrua në Tiranë dhe Durrës. Në kryeqytet pati 369 aksidente, nga 270 në vitin 2025, ndërsa në Durrës numri u rrit në 98 nga 62. Edhe Vlora dhe Gjirokastra shënuan rritje, ndërsa në Shkodër, Korçë dhe Lezhë pati rënie të numrit të aksidenteve.
Megjithatë, vetëm gjatë gushtit situata ishte më pozitive. Në të gjithë vendin u regjistruan 139 aksidente, 12.6% më pak se në gushtin e vitit të kaluar. Edhe numri i të vrarëve dhe të plagosurve ra, nga 229 në 191.
Sipas INSTAT, 86.3% e aksidenteve të gushtit u shkaktuan nga sjellja e drejtuesve të mjeteve. Grupmosha 25-34 vjeç përbënte pjesën më të madhe të rasteve, ndërsa intervali 19:00-24:00 ishte periudha me numrin më të lartë të aksidenteve.
Marrë nga Skyweb.al
