Ta duash apo ta urresh politikën, mund të jetë e vështira për t’u injoruar këtë vjeshtë, duke pasur parasysh se sa ndjenja të forta kanë shumë njerëz për garën presidenciale në SHBA dhe çështjet kryesore të votimit, për të mos përmendur ngjarjet botërore.
Platforma e njohur e sondazheve Gallup, publikoi një sondazh përfaqësues kombëtar, që zbuloi se gati gjysma e punëtorëve amerikanë (45%) në shkurt thanë se kishin pasur një diskutim rreth çështjeve politike me një koleg në muajin e kaluar.
Dhe 38% thanë se kishin dëgjuar biseda të tilla.
Të anketuarit, që punonin në industri me një numër punonjësish konservatorë të vetë-identifikuar (60%), kishin më shumë gjasa të raportonin se flisnin për politikë në punë, sesa të anketuarit në industri me punonjës me prirje më liberale (48%).
Dhe burrat (54%) kishin më shumë gjasa të raportonin, se kishin biseda rreth politikës në punë sesa gratë (35%).
Por, jo të gjithë raportuan se ndiheshin mirë me ato diskutime. 14 % thanë se biseda të tilla i ndihmuan të ndiheshin të përfshirë dhe 11 % thanë se shkëmbimet e bisedave politike madje i bënë të ndiheshin më të afërt me kolegun e tyre.
Por, 12% raportuan se nuk ndiheshin mirë dhe 3% thanë se mendonin se ishin trajtuar në mënyrë të padrejtë për pikëpamjet e tyre.
Punëtorët e angazhuar kishin shumë më pak gjasa se punëtorët e paangazhuar, të thoshin se ndiheshin jo mirë.
“Kjo sugjeron, që angazhimi i punonjësve, mund të ketë një efekt zbutës në diskutimet politike, duke rritur mundësinë, që punonjësit të pranojnë pikpamjet e ndryshme politike gjatë diskutimeve, edhe nëse ata nuk pajtohen. Po kështu, ata mund të ndjehen të sigurt duke shprehur mendimet e tyre të kundërta, ” tha Gallup.
Duke pasur parasysh se sa me zjarr ndihen njerëzit për kaq, kaq shumë gjëra këtë sezon zgjedhor, ekspertët e vendeve të punës këshillojnë drejtuesit dhe punonjësit, që të veprojnë me kujdes në mënyrë, që çdo diskutim rreth çështjeve delikate, të mos dëmtojë aftësinë e punonjësve për të punuar mirë së bashku.
Kjo përfshin drejtuesit, që i bëjnë të qartë kufijtë për bisedat, tha Christy Pruitt-Haynes, drejtuese globale e praktikës së talenteve në Institutin NeuroLeadership.
Për shembull, ajo sugjeroi, ata mund të thonë: “Çdokush ka të drejtë të ketë mendimin e tij – por ne nuk do të tolerojmë sulme personale, verbale apo fizike; ose të flasësh me dikë nëse mendimi i tyre është i ndryshëm.”
Dhe çdo drejtues, që vendos kufijtë, duhet gjithashtu t’u përmbahet atyre. Në mënyrë ideale, drejtuesit e sektorit privat duhet të përpiqen të mos japin asnjë aluzion për pikëpamjet e tyre mbi çështjet e diskutueshme, tha konsulentja e burimeve njerëzore Cindy O’Peka, e cila punon kryesisht me punëdhënësit e vegjël dhe të mesëm.
