Një shtetas 39-vjeçar shqiptar është vrarë me armë zjarri në një atentat të ndodhur në zonën e Orihuela Costa, në Spanjë.
Sipas mediave spanjolle, ngjarja e rëndë dyshohet se lidhet me një larje hesapesh dhe është regjistruar dje, pak para orës 13:00, në kompleksin sportiv dhe argëtues Playa Flamenca Sport Club.
Luka Beqiraj ndodhej në tarracën e një lokali, kur një person i armatosur është afruar dhe ka qëlluar disa herë në drejtim të tij, duke e lënë të vdekur në vend.
Sipas dëshmive të personave që ndodheshin aty, pas atentatit autori i dyshuar me pagesë, është larguar nga vendngjarja me një skuter elektrik.
Ai është shpallur në kërkim nga policia, e cila ka nisur hetimet për zbardhjen e plotë të ngjarjes dhe identifikimin e autorit.
Marrë nga Dosja.al