KthjellKthjellKthjell
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
© 2024 Kthjell. All Rights Reserved.
Leximi: Leku forcohet, qeveria shpall ulje, por ushqimet shtrenjtohen. Ku është problemi?
Share
Njoftim Shfaq më shumë
Ndryshimi i madhësisë së shkronjaveAa
KthjellKthjell
Ndryshimi i madhësisë së shkronjaveAa
  • Editorial
  • Politike
  • Bota
  • Ekonomi
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Follow US
© 2024 Kthjell. All Rights Reserved.
Kthjell > Blog > Editorial > Analize > Leku forcohet, qeveria shpall ulje, por ushqimet shtrenjtohen. Ku është problemi?
AnalizeFinanceKryesoreOpinionSocialeZhvillim

Leku forcohet, qeveria shpall ulje, por ushqimet shtrenjtohen. Ku është problemi?

Përditësimi i fundit: 16 Nëntor, 2026 11:37 am
292 Shikime
Share
5 Min. Leximi
SHARE

Forcimi i vazhdueshëm i lekut kundrejt euros duhej të ishte një lajm i mirë për xhepat e konsumatorëve shqiptarë, veçanërisht për çmimet e ushqimeve, një pjesë e konsiderueshme e të cilave sigurohet nga importi.

Por ndërsa monedha europiane po zhvlerësohet dhe qeveria ka ndërmarrë nisma për të nxitur uljen e çmimeve, në treg po ndodh e kundërta: ushqimet po shtrenjtohen edhe më shumë.

Të dhënat më të fundit të INSTAT tregojnë se gjatë tetorit 2026, çmimet e ushqimeve dhe pijeve joalkoolike u rritën me 1.2% vetëm brenda një muaji, ndërsa krahasuar me tetorin e vitit të kaluar shtrenjtimi arriti në 4%.

Në të njëjtën kohë, inflacioni i përgjithshëm u përshpejtua nga 2.9% në shtator në 3.4% në tetor, niveli më i lartë që prej muajit janar 2024. Ushqimet ishin kontribuuesi kryesor në këtë rritje, me 1.36 pikë përqindjeje të inflacionit vjetor.

Paradoksi bëhet edhe më i dukshëm po të shihet ecuria e kursit të këmbimit. Sipas Bankës së Shqipërisë, më 13 nëntor euro këmbehej me 90.71 lekë, duke vazhduar zhvlerësimin e saj ndaj monedhës vendase.

Në një ekonomi si Shqipëria, ku një pjesë e rëndësishme e ushqimeve dhe produkteve të konsumit vjen nga jashtë, forcimi i lekut duhet të krijojë kushte për uljen e kostove të importit, të paktën për mallrat që blihen në euro.

Për të kuptuar peshën e importeve, mjafton t’u referohemi statistikave të tregtisë së jashtme.

Sipas INSTAT, gjatë vitit 2025 Shqipëria importoi rreth 162.2 miliardë lekë ushqime, pije dhe duhan, ndërsa eksportet e kësaj kategorie ishin vetëm 55.9 miliardë lekë.

Pra, vlera e importeve ishte pothuajse trefishi i eksporteve, duke dëshmuar rëndësinë e furnizimeve nga jashtë për tregun vendas.

Në këto kushte, një euro më e lirë u mundëson importuesve të paguajnë më pak lekë për të njëjtën faturë në monedhën europiane, nëse çmimi i furnizimit mbetet i pandryshuar.

Megjithatë, ky përfitim potencial nuk po shfaqet në ecurinë e përgjithshme të çmimeve ushqimore. Kjo ngre pikëpyetje të forta mbi mënyrën se si transmetohet ulja e kostove të importit përgjatë zinxhirit tregtar, nga importuesit te distributorët dhe në fund te supermarketet.

“Pasqyra e Çmimeve”, uljet e shpallura dhe realiteti i tregut

Një tjetër element që e bën më të fortë këtë kontrast është nisma e qeverisë për monitorimin dhe krahasimin e çmimeve.

Më 12 tetor 2026, kryeministri Edi Rama prezantoi platformën “Pasqyra e Çmimeve” dhe nismën “KURSE”, me synimin për të rritur transparencën në treg dhe për t’u krijuar konsumatorëve mundësi të blejnë më lirë.

Në prezantimin zyrtar, qeveria njoftoi krahasimin e çmimeve të 238 produkteve në 13 kategori, ndërsa nisma “KURSE” përfshinte 325 oferta me ulje mesatare prej 13.3%, që për produkte të caktuara arrinin deri në 40%.

Por të dhënat e INSTAT për tetorin tregojnë një realitet tjetër për tregun në tërësi. Pikërisht në muajin kur nisi funksionimi i këtyre mekanizmave, çmimet e ushqimeve u rritën me 1.2% krahasuar me shtatorin.

Natyrisht, platforma u prezantua në mesin e muajit dhe rezultatet e një muaji të vetëm nuk mjaftojnë për të vlerësuar përfundimisht efektivitetin e saj. Gjithashtu, publikimi i ofertave dhe krahasimi i çmimeve nuk janë të barasvlershme me vendosjen e çmimeve maksimale në treg.

Megjithatë, shifrat tregojnë se uljet e reklamuara për produkte të caktuara nuk janë përkthyer, të paktën gjatë tetorit, në një ulje të përgjithshme të shportës ushqimore.

Kjo ngre një pyetje thelbësore për efektivitetin e politikave të ndërmarra: A janë ofertat e përkohshme dhe transparenca e çmimeve të mjaftueshme për të frenuar shtrenjtimin, apo nevojiten ndërhyrje të tjera që nxisin konkurrencën dhe ulin kostot reale të furnizimit?

Problemi bëhet edhe më i ndjeshëm po të kemi parasysh se ushqimet dhe pijet joalkoolike zënë 34.1% të shportës së përdorur nga INSTAT për matjen e inflacionit.

Kjo do të thotë se çdo rritje e çmimeve ushqimore ka ndikim të konsiderueshëm në koston e jetesës, veçanërisht për familjet me të ardhura të ulëta.

 

Marrë nga Skyweb.al

Ju gjithashtu mund të pëlqeni

Po kërkonte rrugë të re për kokainën, dështon plani i mafies shqiptare në Spanjë

Valë demonstratash në të gjithë Evropën, kundër kostos së jetesës

Diplomati italian: Plan për koloni izraelite në Itali, Shqipëri dhe Qipro

Mrekullia fiskale e Gonxhes: Taksa nuk dihet sa do të jetë, por shqiptarët do të dalin me fitim

ARRSH-ja hap 180 milionë euro tendera, në një ditë të vetme

Share This Article
Facebook Twitter Whatsapp Whatsapp LinkedIn Telegram Kopjo lidhjen Print
Share
Artikulli i mëparshëm Beogradi prish aleancën e armëve me Izraelin, Tirana jo!
Artikulli tjetër BE propozon monitorim 10-vjeçar për anëtarët e rinj

Na ndiqni në rrjetet sociale

FacebookLike
InstagramFollow
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image

Më të fundit

Rafineria e Fierit fitoi 5.7 milionë euro në një vit, por kurseu filtrat duke helmuar qytetin
Analize Finance Kryesore Opinion Sociale Zhvillim 20 Nëntor, 2026
RAI: Mbi 60 mijë italianë çdo vit në Shqipëri për “turizëm dentar”
Analize Kryesore Opinion Sociale Zhvillim 20 Nëntor, 2026
Udhëkryqi i Reformës së re të Pensioneve
Analize Fokus Kryesore Opinion Sociale 20 Nëntor, 2026
Prokuroria e Vlorës konfiskon 16 milionë euro pasuri të familjarëve të Artur Shehut
Aktuale Analize Fokus Kryesore Sociale 20 Nëntor, 2026
//

Kthjell është revista juaj online e lajmeve që ofron përmbajtje tërheqëse dhe informuese për çdo interes. Qëndroni të përditësuar me zhvillimet më të fundit në teknologji dhe shkencë, merrni frymëzim për dizajnin dhe dekorimin e ambienteve, dhe përmirësoni jetën tuaj me këshilla të ekspertëve për mirëqenien personale. Zhytuni në botën e pasur të artit dhe kulturës, eksploroni destinacione të reja udhëtimi dhe mësoni shumë më tepër. Kthjell është porta juaj për të zbuluar, për t’u informuar dhe për t’u frymëzuar çdo ditë. Bashkohuni me ne në këtë udhëtim të vazhdueshëm eksplorimi dhe zbulimi.

KthjellKthjell
Follow US
© 2024 Kthjell. All Rights Reserved.