Blendi Gonxhja ka bërë një zbulim të jashtëzakonshëm ekonomik. Shqiptarët do të paguajnë një taksë të re për makinat, por në fund do të dalin me fitim. Sa do të jetë taksa? Këtë ministri nuk e di ende, sepse skema përfundimtare nuk është gati. Por fitimin e qytetarëve e ka të sigurt.
Madje, qeveria po mendon edhe një taksë regjistrimi prej 100–200 eurosh për makinat që do të hyjnë në vend. Ndërkohë, 55 milionë euro nga buxheti paraqiten si subvencion, sikur paratë e buxhetit të mos vinin nga taksat e shqiptarëve.
Gonxhja premton se do të fitojnë qytetarët, do të fitojë shteti dhe do të shitet më shumë karburant.
Në këtë mrekulli fiskale mungon vetëm një hollësi: llogaria.
Por kjo mund të presë. Në qeverinë Rama, fitimi shpallet përpara se të dihet sa do të paguash.
Marrë nga TCH