Marrëdhënia e “rindërtuar” mes Jasir Asanit dhe Guanzhu po jep frytet e para.
Klubi korean la pas hatërmbetjet, teksa riktheu sulmuesin kuqezi në fushë dhe impakti i Asanit në ekip ishte i menjëhershëm duke bërë diferencën në kampionat me gola, teksa ka arritur të gjejë dy herë rrugën e rrjetës, në 2 përballjet e fundit.
Së fundmi, shqiptari është përzgjedhur nga Liga në Korenë e Jugut si lojtari më i mirë i muajit gusht.
Një vlerësim mëse i merituar ky për Asanin, që është një nga lojtarët më të talentuar te skuadra e tij.
