Gjykata e Lartë ka refuzuar rekursin e trafikantit të drogës Princ Dobroshi i cili kundërshtoi vendimin e apelit për ekstradimin e tij në Gjermani.
Apeli i juridiksionit të përgjithshëm vendosi me 9 prill të këtij viti ekstradimin e tij, ku i dërgoi edhe ministrisë së drejtësisë vendimin e zbardhur.
Me 29 mars të këtij viti shtetasi kosovar i njohur dhe me nofkën “peshkaqeni” ra në rrjetën e SPAK ku iu sekuestruan 10 llogari bankare me vlerë 133 mijë euro, Vilë në Gjirin e Lalzit, dy apartamente te Kodra e Diellit, një apartament te Liqeni i Thatë, makinë Volvo, dhe shoqërinë tregtare ‘SLAI’.
Këto asete i kishte në bashkëpunim me kunatin e tij Olsi Syziu.
Në vitin 1993 ishte kapur në Norvegji dhe ishte dënuar me 14 vjet burg për trafikim të heroinës.
Në vitin 1997 Princi kishte arritur të arratisej nga burgu duke shkuar në Çeki ku raportohet se ka patur rol të rëndësishëm në trafikimin e drogës atje.
