Kreu i Programit të Zhvillimit të OKB-së thotë se Gaza vlerësohet të ketë humbur “dekada” të zhvillimit.
“Kemi të bëjmë me 40 milionë tonë rrënoja që duhen hequr. Këto rrënoja janë shumë të rrezikshme, janë toksike, kanë mjete të pashpërthyera”, ka thënë Achim Steiner për programin Newsday të BBC World Service.
Steiner, i cili po mbikëqyr përpjekjet për të mbështetur rindërtimin dhe ristrehimin e njerëzve të zhvendosur, ka thënë se nevojitet një përpjekje e madhe për të pastruar rrënojat në mënyrë që njerëzit të mund të kthehen në shtëpitë ose strehimoret e tyre.
“Ne kemi vazhduar të përballemi me kufizime të mëdha në drejtim të aftësisë për të dërguar furnizime dhe mallra në Gaza. Ne duhet të krijojmë qasje, ne duhet të krijojmë siguri që do të mundësojë që ndihmat për shpëtimin e jetës të mund të futen”, është shprehur ai.
Marrë nga Koha.net
