Autoritetet e Koresë së Jugut po kërkojnë përgjigje për aksidentin ajror më vdekjeprurës ndër vite, teksa shtohen pyetjet në lidhje me rrethanat në të cilat Boeing 737-800 i Jeju Air u ul pa hapjen e rrotave, duke lënë të vdekur 179 prej 181 personave që ndodheshin në bord.
Ministria e transportit të Koresë së Jugut duket se i qëndron versionit të një goditjeje zogjsh gjatë fluturimit që shkaktoi probleme për uljen.
“Ne po shqyrtojmë opsionet për të kryer inspektime speciale në lidhje me sigurinë e tyre”, tha Joo Jong-wan, një zyrtar përgjegjës për sektorin e aviacionit në ministrinë e Transportit.
Sakaq, një tjetër avion Boeing 737-800 i linjës ajrore me kosto të ulët Jeju Air përjetoi një problem të paspecifikuar të pajisjes së uljes, të ngjashëm me atë të raportuar nga ekuipazhi i të njëjtit lloj avioni që u rrëzua, por në këtë rast ai u kthye në aeroport nga ku sapo ishte nisur.
Agjencia kombëtare e lajmeve e Koresë së Jugut, Yonhap raporton se avioni i dytë me probleme ishte nisur nga aeroporti Gibo i Seulit për në Jeju.
39 nga 41 avionë në flotën e Jeju Air janë të llojit Boeing 737-800.
Marrë nga BBC
