Ish-presidenti francez Nicolas Sarkozy do të dalë në gjyq këtë të hënë (6 janar) për skandalin më të madh të financimit politik në historinë moderne franceze, në të cilin ai dyshohet se ka marrë miliona euro financime të paligjshme për fushatën zgjedhore nga regjimi i diktatorit të ndjerë libian Muammar Gaddafi.
Gjyqi historik i ish-presidentit francez të krahut të djathtë dhe 12 personave të tjerë (përfshirë tre ish-ministra të qeverisë) për konspiracion kriminal për të marrë fonde nga një diktator i huaj në një shkallë masive, kërcënon të përkeqësojë besimin tashmë të ulët të votuesve në klasën politike franceze.
Pas një hetimi 10-vjeçar kundër korrupsionit, gjykata do të dëgjojë akuzat për atë që magjistratët hetues e quajtën një “pakt korrupsioni” të farkëtuar midis Sarkozy dhe regjimit libian, në të cilin ndërmjetësit dërguan valixhe plot me para në ndërtesat e ministrive në Paris për të financuar në mënyrë të paligjshme fitoren e Sarkozy-s në fushatën presidenciale të vitit 2007.
Gjykata do të shqyrtojë nëse, në këmbim të financimit të fushatës presidenciale të Sarkozy, regjimi libian ka kërkuar favore diplomatike, ligjore dhe biznesi.
Një nga këto kërkesa të supozuara për favore lidhej me shefin dhe zbatuesin e spiunazhit të Gadafit, Abdullah al-Senussi.
Ky i fundit, ishte dënuar në mungesë me burgim të përjetshëm nga një gjykatë franceze në vitin 1999 për rolin e tij në bombardimin e një avioni pasagjerësh UTA mbi Niger, i cili vrau 170 njerëz në vitin 1989.
Gjykata do të dëgjojë se si pretendohet se u bënë kërkesa nga regjimi libian për rrethimin e Sarkozy-t për të gjetur një mënyrë për të hequr urdhërarrestin ndërkombëtar të Francës kundër Senussit.
Sarkozy, i cili ishte president midis 2007 dhe 2012, ka mohuar të gjitha akuzat ndaj tij.
Marrë nga AFP
