Tre persona të moshave 19 deri në 24 vjeç janë arrestuar dhe po merren në pyetje si të dyshuar për përgatitjen e një akti terrorist. Lajmin e njoftuan sot prokurorët francezë. I dyshuari kryesor është 19 vjeç që jeton në Dunkirk në veri të Francës.
Pas hetimeve të policisë, në shtëpinë e tij u gjetën lëndë shpërthyese. Sipas gazetës Le Parisien, 19-vjeçari i arrestuar kishte deklaruar nëpërmjet internetit, se ishte i afërt me Shtetin Islamik dhe po përgatiste akte terroriste kundër objektivave të ndryshme. Mediat franceze raportojnë se pas arrestimit të tij janë arrestuar dhe ndaluar edhe dy persona të tjerë nga mjedisi i tij i afërt, avokatët e të cilëve megjithatë deklarojnë se nuk kanë lidhje me Shtetin Islamik dhe me ekzekutimin e akteve terroriste.
Marrë nga AFP
