Autoritetet po hetojnë një lidhje të mundshme ushtarake midis të dyshuarit në sulmin në New Orleans dhe shoferit në shpërthimin e një Cybertruck jashtë hotelit Trump në Las Vegas.
Shamsud-Din Bahar Jabbar, 42 vjeç, një veteran i ushtrisë amerikane me lidhje të dyshuara me Shtetin Islamik, u fut me shpejtësi në një turmë në Bourbon Street, New Orleans, në orët e para të mëngjesit të së mërkurës, duke vrarë 15 persona dhe duke plagosur të paktën 35 të tjerë.
Shoferi në shpërthimin në Las Vegas, i identifikuar nga burimet lokale si 37-vjeçari Matthew Livelsberger nga Colorado Springs, gjithashtu kishte përvojë të mëparshme ushtarake, sipas burimeve të NBC News.
Ende mbetet e paqartë nëse dy shoferët kanë shërbyer në të njëjtën kohë apo në të njëjtat vende gjatë kohës së tyre në ushtri. Policia tha se të dy burrat përdorën të njëjtën aplikacion për të marrë me qira automjetet e përdorura në sulme.
Prokurorja e Përgjithshme e Luizianës, Liz Murrill, tha të enjten se ka arsye për të besuar se disa individë organizuan sulmin.
Marrë nga Top Channel
