Izraeli është gati të hakmerret kundër Iranit për breshërinë e raketave balistike të së martës, disa prej të cilave depërtuan në mbrojtjen ajrore të Izraelit.
Irani raporton se sulmi i tij ishte në përgjigje të dy vrasjeve nga Izraeli, të udhëheqësit të Hezbollahut Hassan Nasrallah në Bejrut dhe të udhëheqësit të Hamasit Ismail Haniyeh në Teheran.
Përmbajtja që aleatët e Izraelit kërkuan herën e fundit që pati një ngërç si ky në prill, sipas BBC është më e zbutur këtë herë.
Dhe duke pasur parasysh vendosmërinë e Izraelit për t’u përballur me të gjithë armiqtë e tij njëherësh – në Liban, Gaza, Jemen dhe Siri – qeveria Netanyahu duket se nuk është në humor të tërhiqet.
Planifikuesit izraelitë ka të ngjarë të debatojnë tani jo nëse dhe kur do ta godasin Iranin, por sa fort.
Të ndihmuara nga inteligjenca satelitore amerikane dhe nga agjentët njerëzorë të Mossadit (agjencia e spiunazhit të huaj të Izraelit) në terren në Iran, Forcat Mbrojtëse të Izraelit kanë një gamë të gjerë objektivash për të zgjedhur.
Marrë nga BBC
