Autoritetet meksikane kanë filluar ndërtimin e strehimoreve të përkohshme me tendë në qytetin e Ciudad Juarez, si masë paraprake për mundësinë e një fluksi të mundshëm deportimesh masive të qytetarëve të Meksikës, pas urdhrit të Presidentit të SHBA, Donald Trump.
Strehimoret, që pritet të kenë kapacitetin të strehojnë mijëra njerëz, janë duke u ngritur afër lumit Rio Grande, që ndan Ciudad Juarez nga El Paso, Texas.
Zyrtari Enrique Licon njoftoi se puna për ndërtimin e këtyre strehimoreve ka nisur dhe ato pritet të jenë gati brenda pak ditësh. Ai e cilësoi këtë masë si një veprim “të paprecedentë”.
Tendat që po ngriten në qytet janë pjesë e një plani më të gjerë të qeverisë meksikane, që synon të krijojë qendra pritëse dhe strehimore të përkohshme në nëntë qytete të veriut të Meksikës. Sipas një dokumenti qeveritar, këto qendra do të ofrojnë ndihmë për deportuesit, përfshirë ushqim, kujdes mjekësor dhe asistencë për sigurimin e dokumenteve të identitetit.
Pjesë e këtij plani është gjithashtu një flotë autobusësh, e cila do të jetë e gatshme për të transportuar meksikanët e deportuar në qytetet e tyre të lindjes, duke lehtësuar procesin e rikthimit të tyre në vendlindje.
Marrë nga Associated Press
