Ceremonia në nder të të Ramy Elgaml, 19-vjeçarit që humbi jetën më 24 nëntor pas një aksidenti në lagjen Corvetto të Milanos gjatë një ndjekjeje nga policia, ka çuar në përplasje mes të rinjve dhe forcave të rendit.
Pas hedhjes së tymuesve, shisheve dhe gurëve ndaj furgonave të policisë, Blutë kanë reaguar duke arrestuar pjesëmarrësit në protestë.
Përplasjet ndodhën në Piazza dei Sanniti, në lagjen San Lorenzo, ku katër oficerë mbetën të plagosur. Gjatë përleshjeve, shpërthimi i një bombe molotov theu xhamin e një automjeti policie.
Në Milano, gjatë një kortezhi sërish në kujtim të Ramit, u zhvillua një aksion kundër Prefekturës, ku u hodh në tokë bojë e kuqe dhe u hap një pankartë “Ramy i vrarë nga racizmi shtetëror”.
“Zonat e kuqe diskriminohen dhe getoizohen dhe ne nuk duam të jetojmë si të pandehur në një gjyq të pafund, duam të jetojmë të lirë”, thanë protestuesit.
Marrë nga Ansa.it
